淘寶及天貓有咩分別呢? 邊度買嘢會有保證啲?

大家有冇發覺喺淘寶網站或者App入面搜尋商品，會有部份賣家喺天貓嘅賣家呢？到底兩者有咩分別呢？等我哋為大家拆解下啦！

• 商戶性質

天貓商戶都是以企業註冊，而淘寶的商戶部份以企業，亦有部份以個人註冊。

• 保證金(按金)

天貓賣家需要向向天貓繳付保證金(即係按金)，品牌商城旗艦店大約需要50000或者100000人民幣，專營店大約需要100000或者150000人民幣。淘寶店鋪根據賣家銷售產品不同，介乎300至2000人民幣。

• 手續費

天貓商城商家必須繳納服務年費，而且亦需就每單交易支付一定比例嘅費用。淘寶店鋪則沒有此費用。

• 入駐要求

天貓商城入駐的大多是品牌旗艦店，淘寶店鋪對開店的賣家並冇特別嘅要求，只要年滿18歲，有淘寶、支付寶賬號，就可以申請開店。審核通過後就可以上傳產品，經營店鋪。

• 模式不同

以往天貓商城是定位B2C模式，即商家對個人；而淘寶是定位C2C模式，即個人對個人。不過時至今日，淘寶亦越來越多大商戶進駐。

由於天貓賣家需要支付較多嘅費用，相對地成本較高，賣嘢亦都會較貴，但係就係因為咁所以質素較好、較多保障。淘寶進入門檻低，所以有較多銷量唔高嘅產品可以選購㗎~